Disaté, Digulé, Digepuk … Daging Kurban Dikumaha Deui Nya? Geus Nyobaan Saté Koyor?

- Jumat, 23 Juli 2021 | 11:42 WIB
Flickr/Arie P. Prasetyo
Flickr/Arie P. Prasetyo

LENGKONG, AYOPURWAKARTA.COM – Ayeuna masih poéan katilu Iduladha. Di unggal imah pasti baroga kénéh daging kurban. Nya salila dua minggu—malah aya nu nepi ka sabulan—sigana kulkas di imah séwang-séwangan masih metet kénéh ku daging kurban.

Boseun atuh da ngadaharan daging kurban. Geus di saté mah, digulé, digula aseum, dibistik, ditongséng, ké … ké ... dikumaha deui nya? Oh, enya digepuk. Salila saminggu mah sigana tukang gulé jeung saté moal payu—éta gé mun aya nu dagangna.

Aya nu kaléwat, salain disaté maranggi atawa disaté madura, wargi Bandung geus nyobaan saté koyor can? Saté koyor dijieunna tina gajih sapi, teu maké daging pisan. Di Yogyakarta, saté koyor sohor pisan.

Masak saté koyor gampang, kumaha wé siga masak saté biasa. Gajih sapi dipotong laleutik. Tuluy, ditusuk ku panusuk sate. Olés ku bungbu, tuluy beuleum dina ruhay.

Nyieun bungbu saté koyor na gé gampang teu ribet: bawang bodas, mérica, katuncar, jeung gula beureum. Réndos na coét. Olés-olés kana gajihna. Kulantaran maké gajih sapi, saté koyor teksturna enyoy. Rasana gurih. Kudu didahar jeung sangu atawa lontong panas-panas. Tiis saeutik, ngadagleg.

Ngan kadé, saté koyor ngabogaan kadar koléstérol nu badag. Bapa, ibu, nu ngabogaan panyakit koéstérol tong komomoan, alias tong “berlebihan”.

Tah, éta caran masak saté koyor. Hiji deui alternatif masak daging kurban Iduladha. [Alya Nur Anisya]

Editor: Dudung Ridwan

Tags

Terkini

Bumdes Subang Katalisator Pembayaran Pajak

Jumat, 13 Agustus 2021 | 14:14 WIB

Curhat PKL di Purwakarta Setelah PPKM Diperpanjang

Rabu, 4 Agustus 2021 | 17:59 WIB

Pilkades 2021 Ditunda, Ini Kata Bupati Purwakarta

Selasa, 3 Agustus 2021 | 20:31 WIB
X